قصة "بندق والفيل الصغير"

super baby

• آخر تحديث :24 نوفمبر, 2024

- قسم قصص اطفال جديدة

 قصة "بندق والفيل الصغير"

كان فيه كلب شقي اسمه "بندق"، عايش في مزرعة فيها حيوانات كتير. بندق كان بيحب يلعب مقالب ويضحك على أصحابه الحيوانات. في يوم، وهو ماشي في المزرعة، شاف فيل صغير قاعد بيحاول يشرب من جردل الميه.

الفيل كان صغير وما بيعرفش يستخدم خرطومه كويس، فكان الميه بتطير في كل حتة. بندق قعد يضحك وقال:

"إيه يا عم الفيل؟ إنت بتستحمى ولا بتشرب؟".

الفيل بصله وقال:

"خرطومي لسه صغير ومش عارف أتحكم فيه، إنت بتضحك عليا ليه؟".

بندق رد وهو يضحك:

"طب بص، أنا هساعدك، بس بشرط!".

الفيل قال:

"شرط إيه؟".

بندق قال:

"إنك في يوم من الأيام ترش الميه على البطة زوزو، علشان تسيبني ف حالي وما تلغيش ورايا!".

الفيل وافق وقال:

"ماشي، اتفقنا!".

وفعلًا، بندق علم الفيل إزاي يستخدم خرطومه، وبعد شوية تدريب، الفيل بقى بيعرف يشرب زي المحترفين. وبعد يومين، نفّذ الاتفاق ورش البطة زوزو بميه، والبطة كانت بتجري وبتصرخ:

"إنتو عاملين تحالف عليا ولا إيه؟!".

ومن يومها، بقى بندق والفيل أصحاب جدًا، وكل مرة يعملوا مقلب في زوزو، يفضلوا يضحكوا لحد ما يجيلهم صداع!

العبرة: الصداقة بتبدأ بمساعدة بسيطة، وتستمر بالضحك والمقالب! 😄

متنساش تضغط لايك وتزور موقع بحر الطفولة لمزيد من القصص تصبحون على خير ياصادقائي